চাণক্যই তেঁওৰ নীতি শাস্ত্ৰত জীৱনটো সফল কৰিবলৈ বিভিন্ন ধৰণৰ নীতিৰ ৰূপৰেখা প্ৰস্তুত কৰিছিল। কথিত আছে যে যিজন ব্যক্তিয়ে এই নীতিবোৰ ভালদৰে বুজি পায় আৰু সেইবোৰ তেওঁৰ জীৱনত অনুসৰণ কৰে তেওঁ বহু সমস্যাৰ পৰা মুক্তি লাভ কৰিব পাৰে। চাণক্য নীতিত বৰ্ণনা কৰা হৈছে কিদৰে আমি ধনৰ সৈতে ব্যৱহাৰ কৰা উচিত। কেনেকৈ টকা জমা কৰিব লাগে আৰু সেই ধনৰ সঠিক ব্যৱহাৰ কিদৰে কৰিব লাগে সকলোবোৰ চাণক্যই তেঁওৰ নীতি শাস্ত্ৰত উল্লেখ কৰি থৈ গৈছে ।
চাণক্য নীতি অনুসৰি এজনে ধন সঞ্চয় কৰাৰ লগতে সেই ধনৰ সঠিক স্থানত বিনিয়গো কৰিব লাগে। ধনক সদায় সন্মান কৰা উচিত। কাৰণ ধনে সন্মান আনে আৰু বিপদৰ সৈতে মোকাবিলা কৰাত সহায় কৰে। এনে দেশ বা অঞ্চলত কেতিয়াও বাস কৰিব নালাগে যত নিযুক্তি, শুভাকাংক্ষী, সন্মান আৰু শিক্ষা উপলব্ধ নহয়। সদায় এনেকুৱা স্থানত বাস কৰিব লাগে য'ত প্ৰয়োজনীয় সকলো সামগ্ৰী আপোনাৰ চাৰিওফাল উপলব্ধ থাকে।
চাণক্য নীতি অনুসৰি আমি মানুহৰ কল্যাণৰ বাবেও টকা বিনিয়োগ কৰা উচিত। অৰ্থাৎ, ধন মানুহৰ কল্যাণৰ বাবেও ব্যৱহাৰ কৰিব লাগে । এনে লোকসকলে সকলো ঠাইতে সন্মান লাভ কৰে। ধন সদায় সচতনে ৰাখিব লাগে। ধনৰ অপব্যয় পৰিহাৰ কৰা উচিত। যিসকলে আনক দেখুৱাবলৈ টকা খৰচ কৰে তেওঁলোকৰ হাতৰ পৰা ধন অতি সোনকালে হেৰাই যায়।
চাণক্যই কৈছিল যে টকা আহিলে অহংকাৰী হোৱা উচিত নহয়। কিয়নো অহংকাৰে এজন ব্যক্তিৰ বুদ্ধি কলুষিত কৰে। ই দ্ৰুততাৰে ব্যক্তিজনৰ সম্পদ ধ্বংস কৰে। ইয়াক এৰাই চলিব লাগে।
চাণক্য নীতি অনুসৰি, যিজনে নিজৰ লক্ষ্য নিৰ্ধাৰণ কৰিব নোৱাৰে তেওঁ কোনো কামতে জিকিব নোৱাৰে। গতিকে প্ৰথমে লক্ষ্য নিৰ্ধাৰণ কৰক আৰু ইয়াক প্ৰাপ্ত কৰিবলৈ সকলো প্ৰচেষ্টা কৰক।
যদি আপুনি কিবা কাম আৰম্ভ কৰিবলৈ গৈ আছে,তেন্তে নিজকে তিনিটা প্ৰশ্ন সুধক- প্ৰথম, মই এই কাম কিয় কৰি আছো? এই কামৰ ফলাফল কি হ'ব? মই এইটো কৰিবলৈ সক্ষম নে? এই তিনিটা প্ৰশ্নৰ উত্তৰ পালেহে সেই কাম আৰম্ভ কৰক। ই আপোনাৰ সফলতাৰ সম্ভাৱনা বৃদ্ধি কৰিব।
Thank You.